30/05/23 న 'చిత్ర' న్యూస్ దినపత్రికలో నా గురించి వచ్చిన సంక్షిప్త కథనం..

28/05/23 న వేదన్యూస్ దినపత్రికలో నా పుట్టినరోజు సందర్భంగా వచ్చిన ప్రత్యేక కథనం..

నేను రాసిన 'ల్యాండ్ స్కేప్ గార్డెన్' అనే తెలుగు కవితకు ఇనుగుర్తి లక్ష్మణాచారి ఇంగ్లీష్ అనువాదం..

ల్యాండ్ స్కేప్ గార్డెన్ 

అక్కడ 
నడిచే అడుగులకే
పూలు పూస్తాయి
ఆ పూల పేరు ఆశయాలు.
అక్కడ 
కదిలే చూపులే కవితలు రాస్తాయి
ఆ కవితల తీరు సూర్యోదయాలు.
అక్కడి చెట్ల క్రింద కూర్చున్న
విద్యార్థులు ఋషులై కనబడతారు.
పుస్తకాల పుటల జపమాలలు తిప్పి తపస్సు చేస్తుంటారు
ఉద్యోగ లోక క్షేమం కోసం హోమం చేస్తుంటారు.
తమ శ్రమనే ఆజ్యంగా పోస్తారు.
రోజంతా రాళ్లై భూమికి అతుక్కుపోతారు.

ఆ వనంలో అడుగుపెట్టగానే
ప్రతి వాడికి జ్ఞానోదయమవుతుంది.
ప్రతి కొమ్మ గాలి ద్వారా,
ప్రతి పక్షి తన రెక్క ద్వారా
ధర్మసందేశాన్ని మనిషి మెదడులోకి వంపుతుంది.
అందుకే -
అక్కడి ప్రతి చెట్టు నాకు మహాబోధిలా కనబడుతుంది.
అక్కడ
కొన్ని పక్షులు ప్రేమసందడిలో ఓలలాడుతూ కిలకిలరావాలు చేస్తాయి.
మరికొన్ని 
నాయకత్వ లక్షణాలను ఒంటికెక్కించుకుని సమావేశాల్లో మునిగితేలుతాయి.
అక్కడి పూలరంగులు గాలిలో చేరి
సూర్యుడి కిరణాలకే కాంతులద్దుతాయి.
అక్కడి అవనియే వేరు.

సన్ రైజ్ లో ఒక అందం
సన్ సెట్ లో ఒక అందం ల్యాండ్ స్కేప్ ది.
గ్రీనరీ ఎప్పుడూ అంటిపెట్టుకునే ఉంటుంది ల్యాండ్ స్కేప్ ని.
వసంతం ఆ వనాన్ని విడిచి పోనేపోదు.
ఎన్నెన్ని బృందగానాలో ఆ అభినవ బృందావనంలో..
షాలిమార్, హ్యాంగింగ్,పింజోర్ ,లీజర్ వాలే,
చాస్  మీ షాహీ,నిషాత్,లోదీ గార్డెన్స్ ఎన్నో గుర్తొస్తుంటాయి
మా ల్యాండ్ స్కేప్ ని చూస్తే..
అక్కడ పాదం మోపిన ప్రతీసారి
అరికాళ్లలో ఏదో పులకింతల పుప్పొడి చేరి
శరీరం తీపిరాగాల తేనెపట్టు అవుతుంది.
మనసు పావురమై ఎగిసి
ఆ పూలవనాల చుట్టే కేరింతలు కొడుతుంది.

         -తిరునగరి శరత్ చంద్ర
          

(ఉస్మానియా విశ్వవిద్యాలయంలోని ల్యాండ్ స్కేప్ గార్డెన్ గురించి..)

నేను రాసిన 'అనుభూతి' అనే తెలుగు కవితకు శాంతకుమారి గారి కన్నడ అనువాదం..

అనుభూతి

ఎప్పుడూ

చూసే దృశ్యం

ఎప్పుడూ ఎదను తాకని భావమై మెరిసినప్పుడు

ఎప్పుడూ

పొందే ఆనందం

ఎప్పుడూ అందని అనుభూతిగా కలంలో కవితై  విరిసినప్పుడు

సరికొత్త అంతరంగం ఆవిష్క్రతమవుతుంది.

అది అనుభూతుల సందడిలో మునిగి తేలుతుంది.

నిన్నటి సంగతులన్ని

ఎదలో పదిలంగా ఉన్నాయి

రేపటి ఆశలన్ని

కలంలో కవితల్లా దాగున్నాయి

పర్వతాలు,నదులు

సముద్రాలు,అడవులూ

సమస్త ప్రకృతి అంతా

నాలోనే ఉంది ఊపిరిలా..

నాతోనే నడుస్తుంది నీడలా..

అనుభూతుల గమనంలో

జీవితంలో సగం గడిచాక

వెనక్కి తిరిగి చూసుకుంటే

సంతోషాల,సంతాపాల సందడిలో

ఎన్నో వెక్కిరింతలు గుండెను కత్తిరిస్తాయి.

జీవితమే అనుభూతై

ప్రయాణం చేస్తుంటాం..

అందరిలో ఒక్కరమై కదిలిపోతుంటాం..

కదలికలు లేని హృదయంతో

కన్నీరై కరిగిపోతుంటాం.

అనుభవాల సంద్రంలో అలలై పోతుంటాం.

రోజూ జరిగే

హృదయసాగరమధనంలో

ఎన్ని ఎన్నెన్ని

జ్ఞాపకాల దొంతరలు పురివిప్పుకుంటాయో

అనుభూతుల పులకరింతలు పలకరిస్తాయో

రెప్పల చాటున నిలిచిన

కలలతీరాలు గుప్పుమని ముందుకొచ్చి

నిలబడతాయో..

అవన్నీ

కవితలుగా..

పుటలు పుటలుగా..

కాలాలు మారినా

శతాబ్దాలు గడిచినా నిలిచిపోతాయి.

గాలిలో పరిమళించి పరవశమోందిస్తాయి.

     --- డా. తిరునగరి శరత్ చంద్ర

19-05-2023 న వేదన్యూస్ దినపత్రికలో..

20-/21--/05/2023/ హాయిహాయిగా అనునిత్యం ఆనందమయంగా/పాటలపూదోటలో 'సిరివెన్నెల'(సిరివెన్నెల సీతారామశాస్త్రి జయంతి సందర్భంగా)/Telugu NRI Radio--Skype

15-05-2023 న తెలంగాణవాణి దినపత్రికలో నా గురించి వచ్చిన ప్రత్యేక కథనం..

14/05/2023 న కలంకౌంటర్ విజయవాడ-హైదరాబాద్ దినపత్రికలో నా గురించి వచ్చిన ప్రత్యేక కథనం..